More

08/08/2019 to 20/08/2019 21:00 - 22:00

Spomen dom „Crvena komuna”

Obala 111, Petrovac

+382 33 402 877

Dragan Tasić, samouki slikar, sa slikarskim iskustvom dugim 45 godina, rođen je 1950. godine u Zrenjaninu. Kustos izložbe je Dragan Mijač Brile, koji se u predgovoru kataloga osvrnuo na svoje poznanstvo sa umjetnikom, iz kojeg Vam prenosimo dio teksta: „Upoznali smo se prije dvadesetak i više godina. Ušao je tiho u svijet umjetnosti („tiha voda brijeg roni“). Njegov život na neki način me podjeća na stihove Lesa Ivanovića „Ima na svijetu mirnih, dobrih ljudi, što kroz život nečujno i tiho gaze“. Tako je i moj imenjak Dragan nastupio u svijet umjetnosti, polako ali sigurno i uvjerljivo, da bi danas postao virtuozni slikar – akvarelista, naročito pejzaža. Lako i efektno bilježi motive Boke i njegovog Zlatibora. Sa dušom, sa lakoćom slika planinske izmaglice, kao i one refleksije duž Boke Kotorske. Sa puno emocija Tasa pravi zapise na svojim putovanjima. Ova izložba je jedna od onih koju će posmatrači zavoljeti i dugo je pamtiti i nositi u svojim sjećanjima.“ Izložba je posvećena Dragici Tasić, dok će gost izložbe biti Lazar Tasić umjetnikov sin, koji će takođe izložiti nekoliko svojih radova. Posjetioci mogu pogledati izložbu do 21. avgusta.

 

Katalog izložbe